OFFTOPIC: Humor - (Spóźniony) Opis dni świątecznych

"OPIS DNI ŚWIĄTECZNYCH
W tym roku była wilija jako dycki. tata prawił, że jak on był taki gizd jako jako to też była wilija. Mieli my choinke. Pod choinką leżały paczki i nasz tata kiery jak się obudził, wziył rybe z szaflika i chcioł ją zamordować. Zamiast do ryby wraził nóż do stoła. Chcioł nóż wyciągnóć ze stoła ale go rozraził.
Tóż my wieczerzali na ziymi.
Jak mama szła po sztrucle, tak ji kocur zeżroł miynso.
Tata prawił, ze ryby miały latoś moc łości. Kocur zaś uwidzioł na choince szklanego ptoszka, skoczył na choinke i rozbił wszycki bańki. Mama płakała, a tata prawił, że z kocura narobi flaków. Jo prawił mamie, aż nie płacze, że mómy bańki na mlyko, to ich mogymy na choinke powieszać. Potym mama zapoliła świyczki i śpiywali my "Dzisiaj w Betlejem". Jak my śpiywali czwortom zwrotke, kocur sie zaczón dusić kością. Potym mama mi prawiła aż ciągnym spać. Tata sznupoł jeszcze we szpajsce i dzwónił flaszkami. Prawił, ze zagrzmiało na sucho. Nie wiym co to znaczy. Potym żech usnył. Jak żech usnył to żech społ,  jak żech się obudził, już nie było wilije. Śniega też jeszcze nie było to sie ni mogym spuszczać. tata prawił, że mu to je jedno, że bedzie spuszczoł wino.
Zaznaczóm panie nauczycielu, żech to zadani nie odpisoł.
Ferdek Drzązgała"